Dolce dhe Gabbana drejt burgut?

Dizajnerët italianë Domenico Dolce dhe Stefano Gabbana mund të jenë në rrugë drejt burgut, për shkak të shkeljes së ligjeve në fuqi.

Dolce dhe Gabbana, dizajnerët kreacionet e të cilëve rregullisht përdoren nga yje si Madonna dhe Scarlett Johansson, mund të përballen me gjykatën pasi janë hetuar për evazion tatimor, njofton New York Times.

Dyshja po akuzohet për mos pagesë të tatimeve për të ardhura prej 1 miliardë dollarësh. Së shpejti pritet të vendoset nëse ka dëshmi të mjaftueshme për të nisur një proces gjyqësor dhe nëse kjo ndodh ata do të përballen me pasoja të rënda.

Dolce dhe Gabbana ishte krijuar nga dy dizajnerët në vitin 1985 dhe deri në vitin 2005 ata gjeneruan fitime prej 750 milionë dollarësh.

Bota mund të pushojë së ekzistuari

Bota çfarë e njohim deri më tani, sipas disa teorive dhe interpretimeve të profetëve të njohur, mund të pushojë së ekzistuari.

Gjykuar sipas shumë librave e filmave, është e qartë se shumëkush beson se jetës në planetin tonë do t’i vijë fundi. Deri më tani ekzistojnë 12 parashikime të mënyrave se si do të shkatërrohet jeta në Tokën tonë.

Shtrëngata diellore

Shtrëngatën diellore e përbën era me copëza të elektrizuara, të cilat i hedh pjesa e epërme e atmosferës së Diellit e përbëhet nga elektrone të larta energjetike ose të protoneve të energjisë. Në vitin 1859 shtrëngata diellore për vetëm 17 orë ka “fërguar” telat në Evropë dhe në Amerikën Veriore. Shtrëngata apokaliptike diellore, e cila parashihet të ndodhë në vitin 2013, mund të shkaktojë mungesë masive të rrymës në Tokë dhe ndërprerje të telekomunikacionit dhe të internetit. Kjo do të shkaktonte tronditje të mëdha ekonomike e shoqërore e rreth 100.000 evropianë do të vdisnin nga uria dhe sëmundjet.

Virus i gripit të derrit

Njëri nga rreziqet në botë është virusi i thjeshtë për të cilin nuk ka ilaç, i cili do të zgjerohet në Tokë shumë shpejt. Në shekullin e shkuar kemi qenë dëshmitarë të katër epidemive të mëdha gripi e virusi të HIV-it dhe të SARS –it që morën shumë jetë. Tani ka shumë viruse që shkaktojnë sëmundje si antraksi, ebola e kolera, e që shfrytëzohen si armë biologjike që shumë lehtë mund të bien në duar të gabueshme.

Planeti X

Po qe se e llogarisim edhe Plutonin, atëherë është Nibiri, saktësisht Planeti X, planeti i dhjetë në sistemin diellor, dhe shumë e madhe që do t’i afrohet Tokës dhe do ta fusë nën gravitetin e vet. Pasojë e kësaj do të jenë vërshimet dhe tërmetet që do të sjellin shkatërrimin. Shumëkush pohon se kjo nuk mund të ndodhë dhe se në të kundërtën e gjitha do të mund të vërehej me sy. Ky shkatërrim ishte parashikuar në vitin 2003, por data tani është shtyrë në të famshmen 12.12.2012.

Shqyerja e madhe

Sipas teorisë së shqyerjes ose grisjes, trupat tanë dhe e gjithë bota do të “shqyhen”, ndërkaq ithtari kryesor i kësaj teorie sqaron se kjo do të ndodhë për shkak të zgjerimit të universit si pasojë e energjisë së errët. Shkalla e zgjerimit po përshpejtohet vazhdimisht dhe në një moment zgjerimi do të ndodhë “shqyerja e gjithçkahes”. Ana e mirë e këtij parashikimi është se kjo nuk do të bëhet edhe njëzet miliardë vjet.

Ngrohja globale

Planeti vërtet është gjithnjë e më i nxehtë –temperaturat e shënuar nga viti 2005 deri në vitin 2010 kanë qenë më të larta në histori ndaj ka dhe të tillë që besojnë se ky proces është vërtet i pakthyeshëm. Dhe nëse vazhdon kështu, klima e Tokës do të mbetet jostabile dhe kjo do të ketë pasojë katastrofike klimatike. Pos ngritjes së temperaturës, do të përhapen sëmundjet. Organizata Botërore e Shëndetësisë tashmë pohon se nga pasojat e ndërrimeve klimatike në vit vdesin nga 150 mijë persona.

Rrezet Gama

Pasi të shpërthejë supernova, ajo do të zgjerojë rrezet gama me frekuenca të larta të rrezatimit elektromagnetik rreth vetes. Shumica e këtyre shpërthimeve ndodhin larg nga Toka, por po qe se ndodhin 30 vjet dritë nga Dielli, që përafërsisht nuk është larg, mund të ngjajë shkatërrimi. Rrezet Gama do të shkatërronin atmosferën e Tokës dhe do të shkaktonin zjarre që do të shkatërronin të gjitha llojet e jetës në Tokë brenda disa muajve. Për fat, gjasat për këtë vërtet janë të vogla.

Hakmarrja e makinave

Ndoshta ngjan paksa në shtjellimin e filmit “Terminator”, por teknika kompjuterike përparon çdo ditë. Dikush madje beson se makinat mund të bëhen të vetëdijshme dhe ta marrin botën sepse inteligjenca artificiale mund t’i mashtrojë e bile edhe t’i shkatërrojë krijuesit e vet. Shkencëtari i njohur Stiven Hoking, mendon se kompjuterët mund të bëhen kërcënim për njerëzit.

-Rreziku që makinat të zhvillojnë inteligjencën e ta marrin botën është real, ka deklaruar Hoking.

Ndërrimi i poleve

Sipas teorisë për ndërrimin e poleve, deri më tani ka pasur ndërrim në pozicionin e polit jugor dhe verior në boshtin e Tokës dhe kjo ndodh në çdo 400.000 vjet. Ky ndryshim mund të sjellë ngjarje katastrofike, përfshirë tërmete, cuname dhe vërshime. Parashikimet natyrisht janë paraparë për vitin 2012. NASA pohon se “megjithatë, ndryshimi në rotacionin e Tokës është i pamundshëm”.

Lufta bërthamore

Shumë vende kanë mundësinë e angazhimit të armëve bërthamore e krahas kërcënimit nga shpërthimet dhe rrezatimet, ekzistojnë edhe efektet e tërthorta – ushqim dhe ujë i kontaminuar, cilësi e keqe e ajrit, shkatërrimi të rrjetit të komunikacionit. Shpërthimi bërthamor do të shkaktonte aq shumë tym, blozë dhe mbeturina, sa që do të zvogëlonte rrezet e Diellit nëpër stratosferë dhe do të shkaktonte dimër bërthamor. Shkencëtarët pohojnë se po qe se India dhe Pakistani nisin luftën bërthamore, gjithë planeti do të vuante për 10 vjet pasojat e reve të tymit dhe tre vjet pasojat e temperaturave të ulëta.

Pulsi elektromagnetik

Ashtu siç mund t’i “fërgojë” shtrëngata diellore rrjetet elektrike, po ashtu edhe “rafalët” e papritur të pulseve elektromagnetnike mund të shkaktojnë mungesë rryme në gjithë planetin. Ekspertët tërheqin vëmendjen se ky puls mund të ndikojë që e gjithë infrastruktura elektronike, transportuese dhe komunikative të zhduket për më pak se një sekondë e të shkaktojë vdekjen e 90 për qind të njerëzve brenda një viti.

Goditja nga asteroidi

Filmat si “Deep Impact” dhe “Armageddon” ndoshta dhe janë pjesë fiksioni, por rreziku nga goditja e asteroideve në Tokë është real. Në vitin 2028 asteroidi “1997KSF11″ do të kalojë afër Tokës, por shkencëtarët pohojnë se nuk do ta godasë. Po ndodhi kjo, tymi që do të dilte pas zjarrit të shkaktuar nga goditja, do ta bllokonte në tërësi dritën e Diellit dhe do të shkatërronte botën bimore. NASA megjithatë, pohon se nuk ka rrezik që Toka të goditet nga asteroidi sikur ai që mbyti dinozaurët para 65 milionë vjetësh.

Zombët

Viteve të fundit emisionet tv me zombët janë shumë të popullarizuara, por a janë reale? Edhe pse njerëzit e vdekur nuk mund të kthehen në jetë, disa viruse mund të nxisin “sjellje agresive zombiane”. Për shembull, tërbimi ndikon në sistemin nervor dhe kjo ndikon që njerëzit të bëhen shumë agresivë. Kombinimi i tërbimit me virusin gripoz mund të shkaktojë sjellje apokaliptike zombiane sepse virusi hibrid i tërbimit dhe i gripit teorikisht është shumë i mundshëm, thonë shkencëtarët.

Horoskopi fizik

Të merresh me sport është e rekomandueshme për këdo, por jo çdo sport është i përshtatshëm për çdo individ.

Ndërsa ka shumë që praktikojnë vrapin, të tjerë nuk e honepsin dot këtë formë të mbajtjes së trupit në formë. E njëjta vlen edhe për çiklizmin, notin, futbollin apo shumë të tjera.

Një revistë amerikane publikoi sot horoskopin sportiv. Duke studiuar karakteristikat dhe personalitetin e secilës shenjë, revista zbuloi se cilat janë aktivitetet më të përshtatshme në bazë të zodiakut.

Dashi – Të lindurit e kësaj shenje nuk kanë preference të veçanta përgjithësisht, por mërziten shpejt me të njëjtin sport. Për ta është i rëndësishëm të alternojnë aktivitetin e tyre fizik.

Demi – Një shenjë toke, prandaj nuk i pëlqen të stërvitet në ambiente të mbylluara. Noti është i përshtatshëm për demin, por edhe sportet e tjera në ambiente të hapura, individuale si tenisi apo ekipore si futbolli.

Binjakët – Të lindurit e kësaj shenje janë shumë reflektues dhe përshtaten shumë mirë me jogën. Përshtatshmëria dhe aftësia për t;iu imponuar trurit i bën binjakët veçanërisht të aftë në shumë disiplina.

Gaforja – Një shenjë e predispozuar për të pëlqyer aerobinë dhe ushtrimet në ambiente të mbyllura e të qeta. Megjithatë, si shenjë uji, arrin rezultate të mira edhe nëpërmjet notit apo vaterpolos.

Luani – Protagonistë, të lindur për të qenë liderat, luanët nuk janë tipa që shkojnë me sportet e grupit. Atyre u intereson vetëm sporti individual. Arrijnë rezultatet më të mira në disiplinat e atletikës.

Virgjëresha – Për vetë karakteristikat, virgjëresha vendos shpesh objektiva të pamundura, si dobësimi me 15 kile menjëherë. Nuk ka rëndësi sporti, por një plan i detajuar saktë. Është e sigurt që virgjëresha do të zbatojë pikat që ka vendosur në axhendë.

Peshorja – Sekreti i peshores është ekuilibri, prandaj intensiteti i sportit lidhet ngushtësisht me aktivitetet e tjera në jetë. Preferon sportet e forcës, por ku ka rëndësi edhe strategjia, si boksi apo artet marciale.

Akrepi – Është një shenjë që nuk dorëzohet kurrë, prandaj mund të luajë rol të rëndësishëm në grup, por sidomos kur luan vetëm. Akrepi është veçanërisht i lidhur me trupin e tij, prandaj palestra është një zgjidhje.

Shigjetari – Të lindurit e kësaj shenje preferojnë shëtitjet dhe vrapimet në natyrë, jogging dhe kroset e gjata. Alpinizmi dhe montanjizmi janë alternativa të tjera që e bëjnë një shigjetar të ndihet mirë.

Bricjapi – Individualistë të sëmurë, bricjapët nuk preferojnë të ndihen nën presion apo të detyruar. Gjejnë argëtimin më të madh në sportet e rrezikshme, si parashutizmi, hedhja nga ura me litar apo garat e shpejtësisë.

Ujori – Një shenjë e dalluar për altruizmin, ujori është i prirur të jetë një lojtar i shkëlqyer skuadre. Megjithatë, mund të përshtatet edhe me sportet masive, midis të cilave edhe maratonat.

Peshqit – Predispozita e lindur artistike hap më shumë rrugë për aktivite fitness-i apo kërcime, por nuk preferoni lodhjen. Peshqit bëjnë veçanërisht mirë në sporte si skitë apo golfi.

Muzikanti harron në tren violinën 1 milion euro

Muzikanti gjerman ka kërkuar ndihmë mjekësore pasi në tren kishte harruar violinën 1 milion eurosh, ka njoftuar policia gjermane.

Violinisti Pesëdhjetepesëvjeçar instrumentin e punuar në vitin 1748 e kishte lënë në një tren të linjës rajonale në Munih, kur po udhëtonte prej aeroportit për në shtëpi.

Ka dalë nga treni, por ka harruar ta merrte me vete violinën. Policia kishte nisur hetimet dhe shumë shpejt e kishte gjetur instrumentin e çmuar në tren, saktësisht në vendin ku e kishte lënë ai”, ka thënë zëdhënësi i policisë.

Ai ka shtuar se muzikanti pas kësaj ngjarjeje ka kërkuar ndihmë mjekësore, por nuk ka qenë një rast serioz.

“Ka qenë pak nervoz, pasi ka menduar se e kishte humbur instrumentin”, ka thënë zëdhënësi

Internet, lind prapashtesa xxx

Një gjykatë i dha të drejtë një kompanie tregëtuese të materjaleve pornografikë që të vendosë si prapashtesë në internet xxx, lajmëroi BBC.

Kompania Icann kishte dhjetë vjet që përpiqej të fitonte të drejtën për të përdorur këtë prapashtesë që identifikon kudo në botë pornografinë.

Vendimi i gjykatës mund t’i hapë rrugën të gjithë faqeve për të rritur në internet që të ndërrojnë prapashtesën në xxx.

Sipas mbështetësve të këtij vendimi, do të jetë më e thjeshtë që në këtë mënyrë të kontrollohen faqet me përmbajtje vetëm “të nxehtë”.

Zyra ku regjistrohen faqet e internetit regjistroi një vit më parë 110 mijë rezervime për të kaluar nga com, org, net etj, në xxx.

Hëna më e shndritshme në 18 vitet e fundit.

Londër - Hëna në natën ndërmjet të shtunës dhe të dielës ishte më e madhja dhe më e shndritshmja në 18 vitet e fundit në Tokë.
Ky fenomen është regjistruar për herë të fundit në mars 1993, dhe ndodh për shkak të orbitës eliptike të orbitës hënore, ndërsa te shtunën ishte rreth 7 herë më e madhe se zakonisht dhe në largësinë prej rreth 356 577 kilometra nga Toka, që është për 30 mijë kilometra më afër se zakonisht, transmetojnë mediat britanike.
Ata që dëshiruan të vërejnë dallimin, këtë nuk mund ta bënin me sy, por me ndihmën e teleskopit. Edhe pse ky fenomen shpesh përmendet në lidhje me kontekstin e tërmetit dhe cunamit që më 11 mars goditi Japoninë, astronomët thonë se ky efekt është shumë i vogël.

Fëmija lindet me zemrën jashtë trupit.

Pekin- Mjekët kinezë po luftojnë për të shpëtuar jetën e fëmijës dy muajsh Xin Xin zemra e të cilit gjendet pothuaj jashtë trupit të tij.
Zemra e fëmijës vogël është i mbuluar me një membranë të hollë dhe mund të shihet mirë edhe si rreh.
“Pasi lindi Xin Xin nuk besuam kur mjekët na thanë se njolla e zezë në barkthin e tij është në të vërtetë  zemra e tij, derisa nuk e pamë duke rrahur “, thanë të pikëlluar prindërit e tij, njoftojnë mediat kineze.
Foshnja u dërgua në spitalin Xin Qiao në Chongqingu ku kirurgët po përpiqen të mendojnë si t’i ndihmohet. Ka shumë ide, por asnjë nuk është  parrezik.  Xin Xin ndoshta nuk do të mund t'i mbijetoje operacionit. “Është një rast shumë i rrallë, zemra e tij është aq e eksponuar sa që çfarëdo kontakti mund të jetë fatal’, thotë dr. Zhang Yuping

I ftoi 20 veta per ditelindje me ane te Facebook, i erdhën 200 000 !

Një adoleshente australiane në profilin e saj në Facebook ka shpallur se për ditëlindjen e saj të 16-të dëshiron të bëjë një party modeste në një lokal afër banesës së saj.

“Nuk kam kohë të ju ftoj të gjithëve personalisht, por shpresoj të vini”, kishte shkruar ajo, duke shtuar se “natyrisht, mund të merrni me vete edhe ndonjë të panjohur, por mos ia teproni në mënyrë që gjërat të mos dalin jashtë kontrollit”.

Dhe ndodhi diçka e pabesueshme, pasi për pjesëmarrje në party përnjëherë u paraqitën  20 000 persona, ndërsa brenda disa ditëve kjo shifër arriti në 200 000.

Dikush madje shkoi aq larg sa përfitoi nga kjo ide, duke ofruar ftesa për këtë party me çmimin prej 16 dollarëve australianë.

Adoleshentes nuk i mbeti gjë tjetër vec të anullojë partyn. Natyrisht jo plotësisht, pasi e ndërroi datën dhe lokacionin dhe ditëlindjen e kremtoi vetëm në shoqëri me miq më të afërm dhe me përcjellje policore, të cilët qëndruan atje për çdo rast eventual.

Se ftesa publike për pjesëmarrje në party nuk është edhe aq ide e mirë e ka provuar në lëkurë të vet shumëkush para adoleshentes australiane Jessica.

Një adoleshente britanike kishte ftuar në party-in e saj 15 persona, por si përfundim në party-in e saj ishin paraqitur 21 000 mysafirë.

Tradheti bashkshortore edhe ne avion

Ka ndodhur ne lartesine 10.000 metrave episodi qe per fat te mire perfundoi pa pasoja.

Nje udhetar i kombesise ruse, ndersa ndodhej ne avion se bashku me te fejuaren, dhe prane tyre edhe nje mik i afert i ciftit, pergjumet dhe kjo i jep rastin mikut te tij qe te perfitoje duke ” djegur ” etapat dhe te shkembeje puthje te nxehta me te fejuaren e gjumashit.

Meqenes gjumi ne avion eshte pergjithesisht i lehte, rusi zgjohet dhe ne kete menyre asiston ne skenen tradhetare.

Pa u menduar shume, pasi ndodhej edhe ne gjendje te dehur, rusi godet ish mikun e tij tashme, madje tenton te hape edhe porten kryesore te avionit.

Prania ne bord e dy agjenteve te policise, ka bere te mundur shuarjen e sherrit dhe rivendosjen e situates, nderkohe ndaj protagonisteve te ngjarjes ka filluar procedimi per “atentat ndaj sigurise ne fluturim”

10 markat me te fuqishme ne bote

Keto marka jane te fuqishme, pasi pervec vleres se madhe financiare, ato gezojne edhe nje popullaritet te madh tek konsumatoret.

Te dhenat jane sipas Millward Brown’s BrandZ index

1. GOOGLE

Vlera e markes llogaritet ne 66 miliard dollare.

2.General-Electric

Vlera e markes llogaritet ne 61 miliard dollare.

3.Microsoft

Vlera e markes llogaritet ne 44 miliard dollare.

4.Coca-Cola

Vlera e markes llogaritet ne 44.134 miliard dollare.

5.China-Mobile

Vlera e markes llogaritet ne 41 miliard dollare.

6.Marlboro

Vlera e markes llogaritet ne 39 miliard dollare.

7.Wal-Mart

Vlera e markes llogaritet ne 36 miliard dollare.

8.Citi

Vlera e markes llogaritet ne 33 miliard dollare.

9.IBM

Vlera e markes llogaritet ne 33 miliard dollare.

10.Toyota

Vlera e markes llogaritet ne 33 miliard dollare.

Shet rrobat e ish të dashurit në eBay

Amerikania (26) nga Boca Raon është fotografuar me rrobat e ish të dashurit tradhtar dhe po i shet në eBay.

Vajza, e cila në Facebook është prezantuar si Taylor Morgan dhe nuk dëshiron të zbulojë identitetin e saj të vërtetë, thotë se tashmë ka fituar 1 mijë dollarë.

Një këmishë me vlerë 49 dollarë, e shiti për 87.50 dollarë, pas 33 ofertave gjatë një pasdite. Çdo blerësi i ka premtuar falënderim “personal” dhe foto që nuk është publikuar.

Deri tani ka shitur 21 copë veshjesh dhe do të vazhdojë derisa të ketë ofertues, transmetojnë mediet britanike.
Djaloshin, me të cilin ishte në lidhje për pesë vjet, e largoi nga shtëpia, pasi një mik i tregoi se po e tradhtonte.

Taylor pranon 500 e-maile mbështetje në ditë nga femrat nga gjithë bota, por edhe nga meshkujt.
Pasi të shesë të gjitha rrobat, do të vë në ankand dhuratat e Krishtlindjeve që i ka marrë nga ai.

Disa nga divorcet më absurde në botë

Nga neveritja e gruas sepse gatuante vazhdimisht torta, tek lënia e burrit sepse nuk mbathte të brendshme, revista italiane “Chi” renditi rastet më absurde në botë për të kërkuar divorcin.

Gatuante shumë torta, Kinë – Një burrë kërkoi divorcin nga e shoqja në Kinë, sepse ishte i lodhur nga tortat që ajo i përgatiste gjithmonë me dashuri. I quajtur Cheng Yu, ai deklaroi në gjykatë se të gjithë ëmbëlsirat, në fillim i kishin pëlqyer shumë, por më vonë ato i ishin neveritur, së bashku me njeriun që i gatuante për të.

Ndahen sepse morri vjehrën në muaj mjalti, Itali – Një e sapomartuar italiane vendosi të linte bashkëshortin e saj menjëherë pas dasmës, pasi zbuloi “surprizën” që ai i kishte bërë, marrjen e nënës së tij me vete gjatë muajit të mjaltit.

Divorc nëpërmjet sms, Egjipt – Pasi një grua në Kajro nuk i ishte përgjigjur burrit në telefon pas një zënke, ai i kërkoi divorcin me mesazh. Pas tre mesazheve, ata u quajtën të divorcuar nga gjykata. Në bazë të ligjit islamik, nëse një burrë përsërit tre herë se dëshiron të ndahet, atëherë është i divorcuar.

22-vjeçarja nuk përballon ritmet e 88-vjeçarit, SHBA – Nuk është diçka e rrallë që të pasurit të lidhen me vajza të reja, por Kristin Georgi, katër herë më e re se bashkëshorti i saj, nuk mundi të përballte ritmin e 88-vjeçarit, që duhet të udhëtonte me avionin e tij privat për çështje biznesi gjatë të gjithë kohës.

Burri nuk mbante të brendshme, Rumani – Një 24-vjeçare rumune kërkoi divorcin nga bashkëshorti i saj pas një viti martese, pasi burri nuk mbante të brendshme. Në fillim, ky fakt nuk përbënte problem për vajzën, por problemet lindën kur gratë e tjera, pasi mësuan sekretin e burrit, e shihnin ndryshe në fshatin ku ata jetonin.

Kryente nevojat në tenxhere, Nigeri – Një grua nigeriane kërkoi ndarjen nga burri i saj, pasi ky i fundit, një pijanec, kryente vazhdimisht nevojat e tij personale në tiganë, tenxhere dhe piata. Sipas saj, nuk i krijonte problem pija, por fakti që ishte ajo njeriu që duhet të lante enët.

Humb gruan në poker, Rusi – Andrei Karpov, një banor i qytetit të Murmanskut në Rusi, kur humbi të gjithë paratë në poker, i ofroi lojtarëve të tjerë gruan, të cilën e humbi gjithashtu. Kundërshtari kërkoi çmimin e tij, por gruaja refuzoi të plotësonte detyrimet e bastit të humbur. Kështu, ajo i kërkoi divorcin burrit, pavarësisht lutjeve të tij për t’a nxjerrë nga boxhet.

Gruaja shumë e dhënë pas seksit, Gjermani – Një burrë me origjinë turke, banues në Gjermani, u bë gazi i gjykatës kur argumentoi kërkesën e tij për divorc me faktin që gruaja kërkonte vazhdimisht të provonte gjëra të reja në shtrat dhe e detyronte të kryenin seks çdo ditë. Përpara se të ndaheshin, ai u arratis nga shtëpia, për të gjetur pak paqe.

Zbulon tradhëtinë në playstation, SHBA – Një ushtar amerikan zbuloi tradhëtinë e gruas pasi erdhi nga Iraku, pas një loje në playstation. Ai pa se midis emrave të familjarëve, në tabelën e atyre që kishin arritur më shumë pikë në lojë, ishte edhe emri i një burri të panjohur. Për çudi, ai luante vetëm gjatë darkave.

Divorc dhe rimartesë pas 57-vitesh, Britani – Dy të moshuar, Leslie dhe Elsie, u martuan në vitin 1941, por u ndanë pas 13 vitesh bashkë, pasi grindeshin shpesh. Pranë 90-vjetorit, ata vendosën të martoheshin në muajt e parë të këtij viti. Të rikthyer bashkë pas 57-vjetësh, të dashuruarit pretendojnë se janë shumë më të qetë e të lidhur tani se sa në martesën e tyre të parë.

Lind “nudo-psikoterapia” në New York

Terapistja, fillimisht është e veshur, por gjatë seancës nis të zhvishet derisa qëndron lakuriq

Në New York mund të ndodhë vërtet gjithçka… edhe të marrësh pjesë në një seancë terapie nudo. Bëhet fjalë për një vizitë të veçantë, ku pacienti nxjerr lakuriq shpirtin e tij, kurse terapistja trupin e saj.

Vizita e parë, me kosto 150 dollarë, kryhet përmes internetit përmes një “webcam”-i dhe “chat”-it të Skype. Terapistja, fillimisht është e veshur, por gjatë seancës nis të zhvishet derisa qëndron plotësisht nudo. Pas disa seancave mund të kalohet edhe në takimet personale.

Sarah White, 24 vjeç, e apasionuar pas psikologjisë, është ideatorja e kësaj metode origjinale terapie. “Frojdi përdorte shoqërimin e ideve, ndërsa unë përdor lakuriqësinë”, ka treguar për “New York Daily News”.

Sarah ka rreth 30 pacientë, shumica studentë me probleme relative me seksualitetin, burra në krizë martese e madje edhe ndonjë grua kurioze për të provuar nudo-terapinë. Psikologët profesionistë, gjithsesi nuk e fshehin dyshimin.

Nuk është aspak një terapi, por më shumë bëhet fjalë për pornografi të butë”, ka komentuar Diana Kirschner, një psikologe e New Yorkut. Ndërkohë që edhe vetë Sarah ka pranuar se s’është trapiste e vërtetë dhe se nuk ka studime shkencore për efikasitetin e kësaj metode të veçantë terapie.

Deputeti nxirret nga parlamenti, kishte vëthë në vesh

Një deputet kenian është nxjerrë nga parlamenti për shkak se mbante vëthë me diamantë në vesh.

Gidion Mbuvi gjithashtu kishte edhe syze dielli. Deputetët u ankuan se veshja e tij fyente dinjitetin e parlamentit. Mbuvi u zgjodh vjet në parlament.

Ai thotë se simbolizon masat e thjeshta dhe njerëzit e rrugës.

Faqe sociale për qentë

Një 34-vjeçar kinez, i quajtur Tang Yang, ka hapur një rrjet shoqëror, të ngjashëm me FB apo Twitter, por në të kanë akses vetëm personat e dashuruar pas qenve.

Goumin.com është shndërruar menjëherë në një faqe shumë fitimprurëse për pronarin e saj, ndërsa përdoruesve u lejohet të publikojnë vetëm foto të qenve të tyre, të flasin me përdorues të tjerë dhe të modifikojnë karakterin e kafshëve.

”Ideja më erdhi kur e dashura ime bleu një lepur për vetëm 10 juan (1,5 euro) dhe nisi t’a ushqente me një lloj bari të veçantë dhe shumë të shtrenjtë, të imporuar nga Zelanda e Re”, deklaroi Yang.

”Ajo do të shpenzonte shumë më tepër për t’a ushqyer, se sa harxhoi vetëm për t’a blerë. Aty kuptova se ideja ime do të funksiononte”.

Shtatë vjet pasi Yang krijoi këtë faqe, ai ka një zyrë në një gradaçelë në qendër të Pekinit, 530 mijë përdorues të faqes dhe 600 aplikacione të ndryshme.

Aktualisht, faqja vlen disa milionë dollarë dhe pritet të bëhet gjithmonë e më e vlefshme, ndërsa Yang synon t’a zgjerojë biznesin në sa më shumë vende në botë.