Luntik, macja ruse me 4 vesh

Luntik, nje kotele e bukur 3 muajshe nga Vladivostok, ne lindje te Rusise ka nje karakteristike te vecante: ne vend qe te kete 2 vesh, si te gjitha macet, ka 4. 2 te medhajat, normale dhe me poshte 2 te vogla. Nje mace vertete shume e bukur pervec se e vecante. 2 veshet e vegjel nuk jane funksionale dhe nuk kane kanalet e degjimt.
Jane te panjohura shkaqet e formimit te cuditshem te Luntik, por hipotizojne qe te kete ndodhur per shkak te ndotjeve radioaktive. Ose mund te jete thjeshte nje shaka e natyres, edhe ne 2004 ne Gjermani lindi nje kotele me 4 vesh Lilly, ndersa ne 2008 ne Chicago, jetoi Joda.

Me te vertete shume e bukur Luntik edhe me 4 veshet e saj!

Nje varr 10 milion euro-sh per…

Hua Kuo Fen eshte pasardhesi direkt, i cili ne vitin 1976, zevendesoi ish kryetarin legjendar te Partise Komuniste Kineze Mao Ce Dun, dhe qe ka vdekur ne moshen 87 vecare ne vitin 2008.

 

Me rastin e pervjetorit te vdekjes , autoritet e larta kineze kane menduar qe ne kujtim te tij te ngrene nje monument ne qytetin e tij te lindjes, dhe njekohesisht te kene mbaruar edhe nje ndertim gjigand per nga permasat por edhe shpenzimet, i cili do te perfaqesoje edhe varrin e tij.Per ndertimin e ketij varri, qe duhet te jete gati ne daten 20 gusht 2011, jane akorduar plot 10 milion dollare.Vari do te jete ne formen e germes H, ai do te kete 365 shkalle, dhe do te jete i larte 55 metra.E gjith siperfaqja e zene nga ky ndertim monumental do te jete 10 ha, ose sa 14 fusha futbolli.

Shpëton fëmijën, zbulon se është djali i vet

Një grua në Venecia, ka qenë e vetmja që ka reaguar, kur ka parë që një e moshuar me nipin e vet kanë rënë në ujë. Ajo është hedhur dhe ka mundur që të shpëtojë fëmijën 3-vjeçar. Ajo është habitur kur ka parë se fëmija që shpëtoi ka qenë pikërisht djali i vet. Rastësi e çuditshme, por që lejoi nënën të shpëtonte djalin e vet nga mbytja. Ndërkohë, gjyshen e djalit, një 71-vjeçare, njëkohësisht nëna e gruas së mësipërme, e kanë shpëtuar disa kalimtarë të tjerë nga mbytja.

Shopping - sekreti për jetë më të gjatë?

Një studim që ka përfshirë 1 850 njerëz të moshës 65-vjeçare e më shumë që jetojnë të pavarur në shtëpi të veta, ka zbuluar se ata që dalin në shopping çdo ditë, jetojnë më gjatë sesa ata që frekuentojnë më pak dyqanet. Ky lajm mund të jetë i vjetër për shumicën e grave, por duket se një terapi e tillë është shumë e mirë për ju. Një ditë në dyqane mund t’iu ndihmojë të jetoni më gjatë, thotë studimi. Dhe për befasi, aktualisht kjo vlen edhe për meshkujt. Studimi sugjeron që dobia afatgjate e mbijetesës nga shopingu është më e mirë sesa nga shkuarja në fitnes. Takimi me miqtë dhe madje edhe vetëm shikimi i njerëzve të tjerë mund t’ju largojë nga vetmia dhe të përmirësojë shëndetin tuaj psikologjik, sugjeron studimi i publikuar ‘online’ në gazetën “Journal of Epidemiology and Community Health”, dhe i cili është marrë me rreth 1.850 njerëz të moshës 65-vjeçare e më shumë që jetojnë të pavarur në shtëpitë e tyre në Taiwan të cilët janë pyetur sesa shpesh shkojnë në shoping. Studiuesit pastaj kanë përcjellë sesa gjatë kanë jetuar pjesëmarrësit e studimit duke i krahasuar individët me regjistrin kombëtar të vdekjeve mes viteve 1999 deri në 2008. Ata kanë gjetur se ata që bëjnë shoping shpesh jetojnë më gjatë sesa ata që frekuentojnë më pak dyqanet, duke marrë parasysh edhe gjendjen e tyre fizike dhe problemet shëndetësore. Frekuentimi i dyqaneve për çdo ditë i ulë shanset e vdekjes për më shumë se një të katërtën, krahasuar me ata që nuk dalin në shoping rregullisht. Meshkujt në moshë të cilët frekuentojnë dyqanet kanë rekordin më të madh të mbijetesës, me ulje prej 28 për qind të gjasave për vdekje, derisa gratë në moshë kanë 23 për qind ulje. Studimi i udhëhequr nga doktor Yu – Hung Chang i Institutit Kombëtar të Studimeve Shëndetësore, në Zhunan të Taiwanit, ka pranuar se ata që dalin në shopping rregullisht mund të jenë më të shëndetshëm. Ai ka thënë që “një i moshuar që bën më pak shopping për ushqim mund të jetë në rrezik për dietë të nevojshme për të mirëmbajtur shëndetin. Rrethi vicioz që përfshin shopingun e kufizuar dhe dietat e varfra mund të përsëritet për pleqtë”. Por studimi, ka shtuar që “në objektet tregtare, socializimi ose vëzhgimi i të tjerëve mund të ofrojë përfitime sociale dhe mendore. Krahasuar me llojet tjera të aktiviteteve fizike, siç janë ushtrimet, të cilat zakonisht kërkojnë motivim dhe ndonjë instruktor profesional, dalja në shoping është më e lehtë për t’u bërë”.

Kalon Atlantikun me një trap

Londër - Një 85-vjeçar nga Londra, Anthony Smith, kaloi me sukses oqeanin Atlanik me anë të një trapi të ndërtuar me kallama të gjatë dhe dërrasa.

Smith e përshkoi një rrugë prej 4 596 kilometrash për 66 ditë, në një udhëtim që kishte edhe një karakter humanitar, pasi me vete transportonte mesazhin sensibilizues të një miliard njerëzve në botë që jetojnë pa ujë të pastër.

Nëpërmjet këtij udhëtimi, ish-prezantuesi i “BBC Tomorrow World” arriti të grumbullonte 50 mijë fonde për fondacionin bamirës “WaterAid”.

“Kaluam një oqean dhe për më shumë se dy muaj u rikthyem të mendonim se si ka mundësi që në një planet të përbërë me shumicë nga uji, sot ka njerëz që vuajnë nga etja apo nga mungesa e ujit të pastër të pijshëm”.

Frutat nga “qielli”-hit në tregun londinez

Londër - Një treg në Londër është duke përjetuar qarkullim të madh në shitje, pasi të gjitha pemët dhe perimet që ajo shet i vijnë “nga qielli”.

Në fakt, nëpërmjet ndihmës së disa vullnetarëve, projekti “Food from the sky” bëri të mundur që të transformonte çatitë e disa godinave në kopshte të vërteta të mbushura me pemë e perime që rriten në kryeqytetin britanik.

Falë ndihmave ekonomike që ka marrë projekti, i cili shërben për të shfrytëzuar hapësirën e papërdorur të tarracave, një treg frutash në Londrën lindore furnizohet vetëm me fruta të rritura nëpër tarraca.
 

Fasule, patate, brokoli, luleshtrydhe, portokaj dhe disa lloje lulesh janë vetëm disa prej prodhimeve të “Food from the sky”, ndërsa tregu ka nisur të frekuentohet nga një numër i pabesueshëm njerëzish, të cilët dëshirojnë të përkrahin këtë projekt.

Qengji me pesë këmbë

Newnham – Në një fermë në Newnham në Northamptonshire ka lindur një qengj me pesë këmbë.
Krijesa e pazakonshme me gjithë deformimet po zhvillohet mirë dhe pesë këmbët nuk e pengojnë asgjë për të kërcyer me qengjat e tjerë në livadh.
“Gjatë disa javëve të fundit në fermë kanë lindur mbi 600 qengja, ndërsa disa prej tyre janë me deformime. Zakonisht qengjat e tillë nuk jetojnë gjatë. Por, gjithsesi është interesant qengji me pesë këmbë”, ka thënë pronari i fermës Pip Hopcraft, transmetojnë mediet britanike.
Ai shtoi se qengji ka shëndet shumë të mirë dhe se kafshët e tjera e kanë pritur mirë, me gjithë deformimet e tij.