Viçi me dy koka në Armeni.

Yerevan - Natyra ka habitur fermerin Hakob Avetyan, i cili ka fermë në fshatin Sotk në Armeni. Lopa e tij ka sjellë në jetë një viç me dy koka, me dy palë sy dhe dy hunda. Kafsha pesë ditë e vjetër deri tani është e shëndoshë dhe ka tërhequr vëmendjen e fshatarëve, por edhe të publikut.
Lindja e kafshëve me dy koka, por edhe e njerëzve, është gjë e rrallë, por shënimet për rastet e tilla ekzistojnë që nga e kaluara e largët. Këtë vit ka lindur një viç me dy koka në Gjeorgji, për të cilin po kujdesen fermerët, pasi që lopa nuk dëshiroi ta ushqejë. Veterinarët, siç transmetojnë mediet kroate, thonë se në rastet e tilla është e nevojshme të përcjellim progresin e kafshëve, pasi është e vështirë të parashikohet zhvillimi dhe rritja e tyre.

Në Dubai hapet restoranti më i lartë në botë

Në ndërtesën më të lartë në botën, kullën Burj Khalifa në Dubai, në katin 122 dhe në lartësinë prej 422 metra, është hapur një restorant.

Fjala është për njërin nga restorantet më luksoze në botë, i quajtur “Atmosphere”. Në restorant do të shërbehet ushqim i shëndetshëm i kuzhinës ndërkombëtare. Restoranti mund të pranojë deri në 210 mysafirë, njoftojnë agjencitë.

Kulla Burj Khalifa ka 200 kate dhe është e lartë 828 metra. Apartamentet dhe zyrat, që janë 1 044, kanë zënë 150 kate. Këtu është edhe hoteli luksoz “Armani”.

Ndërtesa, ndërtimi i së cilës ka kushtuar 1.5 miliardë dollarë, është hapur vitin e kaluar. Në restorantin “Atmosphere” një filxhan kafe kushton 8 dollarë.

Hotelet më të pista në Europë

Kur vendosni që të shkoni me pushime, duhet të merrni parasysh hotelet që zgjidhni. Sepse jo të gjithë mund të kenë fatin e mirë që të gjejnë një hotel me pluhura.

Ka hotele më vrima në mur, që u ikën uji gjatë kohës që bëni dush dhe që mbajnë erë shurrë.

Shqiptarët sidomos duhet të bëjnë kujdes, pasi në një renditje të hoteleve më të pista në Europë, dy hotelet që mbajnë vendin e parë ndodhen në Turqi, një destinacion i preferuar i shqiptarëve.

Club Aqua Gumbet në provincën turke Mugla është zgjedhur si hoteli më i pistë më Europë, me vrima në mur, dushe që u ikën uji dhe me dhoma që mbajnë erë shurrë. Klasifikimi i hoteleve më të pista është bërë nga Trip Advisor. Në vendin e dytë të kësaj renditje është sërish një hotel i së njëtës province turke, Altin Orfe Hotel.

Në vendet tre, katër dhe pesë gjenden tre hotele në londër, përkatësisht Cromwell Town, Corbigoe Hotel dhe Park Hotel. Prandaj kur të vendosni të shkoni me pushime, bëni kujdes që të shmangni këto hotele

Rimartohen pas 57 vjet ndarje

Ata u divorcuan më 1954 pas 9 vjet martese dhe u betuan se nuk do të flasin më kurrë. Të dytë u martuan me partnerë të rinj në vitet ’60. Burri i Elsien, Peter Dunn, vdiq më 2002, ndërsa gruaja e Lesliet, Muriel, vdiq më 2004. Atëherë Leslie thirri Elsien.

Çifti nuk fliste, edhe pse vajza e tyre Pauline ishte në kontakt me të dy. Ata u njohën më 1937. Elsie thotë se pas divorcit ishte shumë e zemëruar në ish-bashkëshortin dhe nuk dëshironte asnjë kontakt me të. Thotë se nuk ka ndryshuar shumë, transmeton “Daily Mail”.

Kur e pashë u ndjeva 50 vjet më e re. Unë i kisha shkatërruar të gjitha fotot e martesës sonë, ndërsa Leslie i kishte ruajtur. Mendoj se nuk kemi ndjerë njëri tjetrin dhe se dashuria e vërtetë zgjatë përgjithmonë”, tha Elsie.

Shqiptari qe padit Facebook, i kerkon 500 mijë dollarë

Një shqiptar në Shtetet e Bashkuara të Amerikës me 340 miq në Facebook, ka vendosur që të padisë gjigandin e internetit për shkak se i ka mbyllur llogarinë që kishte hapur aty, pa asnjë shpjegim.

Mustafa Fteja kërkon 500 mijë dollarë si dëmshpërblim për këtë çështje.

“E kisha Facebook për një qëllim- për të mbajtur kontakte me familjen time,” thotë Fteja, që ka shkuar në SHBA para 17 vitesh.Fteja, 30 vjeç, mësoi në shtator se llogaria e tij ishte çaktivizuar.

“Di vetëm një gjë- nuk kam bërë asgjë,” tha dje ai. Nuk kam dhunuar asnjë rregull a ligj.”

Në akuzën e tij, depozituar në Gjykatën Supreme të Manhattan-it, ai akuzon Facebook se nuk i është përgjigjur kërkesave të vazhdueshme të tij për të mësuar se përse ishte hequr nga faqja.

Fteja, mysliman, gjithashtu akuzon kompaninë për diskriminim fetar.

Facebook nuk i është përgjigjur kërkesave të mediave amerikane për një koment.

Kërkon një milionë dollarë në Youtube dhe i merr

Për të fituar një milionë dollarë, mjafton që t’i kërkoni në Youtube!

Kështu ka bërë në fakt komiku i ri nga Bruklini, Craig Rowin, që ka mundur të fitojë një milionë dollarë pa asnjë sforcim, vetëm duke publikuar një video në Youtube. “Milioner, dhuromë një milionë dollarë.Fati yt është që ke milona dollarë, më jep një milionë mua”, thuhej në videon e shpërndarë në Youtube nga ai.Dhe mjaftuan vetëm dy muaj, që një milioner me emrin Benjamin t’i dhuronte atij një milion dollarë. Çeku do të dorëzohet më 2 shkurt në Nju Jork.

Edhe nëse kjo gjë nuk do të ndodhë, Craig Rowin arriti diçka, pasi i ka bërë publicitet vetes.

Pritet shpërthimi i një ylli që do të shndrisë Tokën dy javë

Toka së shpejti do të mund ta fitojë diellin e dytë, të paktën për një apo dy javë.

Një prej yjeve më të shndritshme të qiellit tonë do të bëhet supernova (do të shpërthejë), ndërsa eksplodimi do të mund të mund të ndodhë qysh gjatë këtij viti, shkruan gazeta britanike Daily mail.

Astrofizikanët pohojnë se ylli i madh Betelguese, që gjendet në galaktikën Orion, është ylli i nëntë më i shndritshëm në qiellin tonë dhe gjendet larg Tokës 640 vjet drite. Ky yll ka filluar të humbas masën, gjë që është shenjë e kolapsit të gravitacionit, transmeton Time.

Brad Carter, fizikan i Universitetit Qweenslandi Jugor, thotë se eksplodimi që do të pasojë dhjetëra milionë herë më i shndritshëm se sa Dielli, që do të thotë se në Tokë do të kemi dritë diellore 24 orë.Gjatë dy javëve do të duket sikur t’i kemi dy diej. Pas kësaj, muajve të ardhshëm pas shpërthimit, drita nga ylli gjigant do të zbehet dhe në fund do të bëhet i pa vërejtur.

Shpërthimi do të ndodhë, vetëm çështje kohe është se kur do të ndodhë. Kjo do të mund të ndodhë para fundit të vitit 2012, por edhe në periudhën pre disa miliona viteve të ardhshme, pohon Carter.Momentalisht në internet mund të hasë në shumë parashikime për fundin e shpejtë të botës sonë, lidhur me supernovën dhe profetizmin e civilizimit të lashtë Maja. Mirëpo, ekspertët pohojnë se shpërthimi i yllit do të ndodhë shumë larg Tokës për të na shkaktuar farë dëmi.

Pas shpërthimit, e para gjë që do të shohim është shiu i grimcave të imëta të quajtura nuetrinos”, sqaron Carter.Ato do të bijnë edhe në Tokë dhe do të hyjnë edhe nëpër trupat tonë, mirëpo, prapë po theksoj, pa kurrfarë pasojash të dëmshme për shëndetin tonë”, përfundoi ai.

Vodhën 8 laptop-ë për 35 sekonda

Pasi kishin hyrë në një dyqan kompjuterësh në Mersin (Turqi), dy persona kanë arritur të vjedhin 8 laptop-ë për 35 sekonda. E gjithë kjo është regjistruar nga kamera e sigurisë së dyqanit.Në pamjet e kamerës së sigurisë të marra nga vjedhja (autorët e të cilës akoma nuk dihen), të realizuar në 28 maj të vitit 2009 në një dyqan kompjuterësh, shihen dy persona të cilët duke thyer xhamat e dyqanit kanë hyrë brenda rreth orës 04.00.Dy autorët, të cilët kishin vendosur çorape në kokë për të mos u njohur, kanë kontrolluar një nga një të gjithë kompjuterët në raft pavarësisht ndezjes së alarmit. Të veshur me doreza, vjedhësit morën laptop-ët. Pasi analizuan dhe çantat e laptop-ëve autorët hodhën në tokë çantat boshe. Hajdutët arritën të marrin 8 laptop-ë për 35 sekonda dhe të ikin.Krahas kësaj në kamera dëgjohet zëri i njërit prej tyre, i cili me duart të mbushur me laptop-ë pyet shokun e tij “A të marr prapë?”.

Super vetura prej druri.

Tokio - Vjen nga Japonia kjo super veturë e gjitha prej druri, Maniwa Wooden. Motori i saj është sa i një motori skuter po funksionon vërtetë dhe mund të arrijë një shpejtësi prej 80 km/ore. Krijuesi po përpiqet të bëjë edhe të tjera për t’i përdorë në rrugë dhe do t’i shesë me një çmim prej 40 000 euro, transmeton NOA.

Kokaina ne bananet plastike

Policia spanjolle kap 162 kg kokainë të fshehur në banane plastike te vendosur  në 20 ton fruta dërguar nga Ekuadori, raportuan nga ministria spanjolle e punëve te brendshmesh kane transmetuar agjencitë botërore.Katër persona janë arrestuar që mendohet kane qenur te lidhur me dërgesën, e cila arriti në Alhesiras e Guayaquil, qyteti më i madh në Ekuador.Mes të arrestuarve është lideri i zinxhirit per trafik të drogës.

Shkencëtarët krijojnë shi në shkretetire

Shkencëtarët zviceranë, në bashkëpunim me autoritetet në Abu Dhabi, gjatë vitit 2010 kanë arritur të krijojnë mbi 50 stuhi shiu, dhe atë gjatë të nxehtit më të madh veror.Shirat janë pjesë e një projekti sekret me vlerë 11 milionë dollarë, ndërsa e ka porositur Sheikh Khalifa Zayed Al Nahyan. Kjo është hera e parë në histori që njeriu arrin të krijojë shi nga erërat e reve, shkruan “Sunday Times”.Në projekt janë përdorë shumë jonizatorë, që krijojnë ngarkesa negative të joneve, të cilat tërheqin grimca të pluhurit të shkretëtirës. Falë konveksionimit, ato në ajër të ngrohtë ngritën në qiell.Kur të arrijnë në lartësinë e nevojshme, tërheqin molekulat e ujit në ajër dhe fillojnë procesin e kondensimit. Nëse ka mjaft lagështi, do të krijohen miliona pika, të cilat do të formojnë retë dhe do të bien në tokë.

Peshku që shitet për 396 mijë dollarë

Një peshku tuna është shitur në një ankand në tregun e peshqve në Tokio për shifrën rekorde prej 32.49 milionë jen apo 396 mijë dollarë, transmetojnë mediet amerikane.

Çmimi i tunës, e rëndë 342 kilogramë, ka kaluar rekordin aktual nga viti 2001, kur tuna e rëndë 202 kilogramë u shit për 20.2 milionë jen, ka deklaruar zëdhënësi i tregut Tsuki, tregu më i madh në botë për shitjen me shumicë të peshqve.

Tuna gjigante është kapur afër brigjeve të Japonisë veriore, dhe ishte njëra nga 538 tunat që u sollën dje nga e gjithë bota në ankandin në Tsuki.

Çmimi rekord i ka sjellë fitim të mirë peshkatarëve, duke marrë 95 mijë jen apo 1 150 dollarë për një kilogram të tunës.

Kryeministri japonez "turperohet" nga gruaja e tij

Kryeministri japonez, Naoto Kan, është vendosur në një situatë të vështirë prej gruas së tij, e cila deklaroi përpara mediave se nëse do të rilindte përsëri, nuk do të pranonte të martohej përsëri me të.

Deklarata surprizë e gruas Nabuko, e cila u raportua gjerësisht nga mediat japoneze, erdhi në një moment shumë të papërshtatshëm, pasi sondazhet tregojnë se popullariteti i Kryeministrit është më i ulët se kurrë dhe ka rënë nën 30%.

Të dy janë bashkë që prej 40 vitesh dhe kanë tre fëmijë. Martesa e Kryeministit konsiderohej në Japoni, deri tani, si një martesë shembull për t’u ndjekur.

Gruaja dëmtoi edhe më shumë reputacionin e Zotit Kan, me një deklaratë të polemizuar: “Bashkëshorti im thotë që e urren të sulmohet në parlament, por që gjithsesi preferon më shumë këtë se sa të përfshihet në një bisedë me mua”.

Shoferi i kamionit i shpëton vdekjes

Një shofer kinez i kamionit i shpëtoi vdekjes së sigurt, pasi vetura e tij doli nga rruga, goditi barrierën e betonit dhe u rrotullua, duke mbetur i varur për barrierën e betonit.

Falë gomave të shpuara dhe metalit të shkatërruar afër rezervuarit, kamioni u kap për barrierën e betonit dhe u kthye mbrapsht.Ekipet e shpëtimit e nxorën shoferin shumë shpejt. Kamioni mund të binte nga një lartësi prej 60 metra. Sipas dëshmitarëve, ata rrezikuan jetët e tyre, pasi kamioni mund të binte në çdo moment.

Facebook do të mbyllet me date 15 mars 2011 ?!

Mark Zuckerberg njofton se FaceBook do te mbyllet ne muajin Mars ben te ditur faqja e internetit weeklyworldnews.com. Arsyeja eshte se menaxhimi i faqes eshte bere shume i veshtire. "Facebook ka dale jashte kontrollit", tha Zuckerberg ne nje konferecne shtypi jashte zyres se tij, dhe stresi per te menaxhuar kete kompani me ka shkaterru jeten. Me duhet t'i jap fund gjithe kesaj cmendurije. Zuckerberg vazhdoj te shpjegonte se duke filluar nga 15 marsi perdoruesit nuk do jene ne gjendje te qasen ne llogarite e tyre."Pas 15 marsit e gjithe faqja do te mbyllet", tha Avrat Humarthi,zv.president i puneve teknike ne Facebook. "Pra nese ju deshironi qe mos t'ju humbin te gjitha gjerat qe keni postuar ne Facebook une ju rekomandoj qe t'i shkarkoni ato para se faqja te mbyllet pergjithmone,ka thene Humarthi. Zuckerberg tha se vendimi per ta mbyllur Facebook-un ishte i veshtire, por ai nuk mendon se njerezit do te jene te merzitur. " Une personalisht nuk mendoj se eshte nje pune e madhe",tha ai ne nje interviste telefonike private. "Dhe te jem i sinqerte une mendoj se eshte per te mire.Pa te njerezit u duhet te dalin jashte per te bere miq te vertete. Kjo eshte gjithmone nje gje me e mire.

Tatuon kurrizin me personazhet e “Twilight”.

Për shumicën e njerëzve tatuazhi i parë është diçka e vogël: një simbol kinez që zë shumë pak hapësirë përshembull.

 

Por, Cathy Ward, 49 vjeç, është aq e apasionuar pas sagës së librave dhe filmave “Twilight” saqë vendosi që tatuazhi i saj i parë të ishte special. Cathy mbuloi kurrizin me personazhet e filmit me vampirë. Punonjësja e supermarketit, nga Reading, kaloi 22 orë në karrige për të vizatuar Robert Pattinson, Kristen Stewart dhe Taylor Lautner në kurrizin e saj dhe pagoi 2 mijë sterlina. “Jam shumë e apasionuar mbas “Twilight”. Po kursej para të tjera sepse dua të bëj tatuazhe të tjera në kraharor, bark dhe krahë përpara se të mbush 50 vjeç në verë”, u shpreh 49-vjeçarja.

 

Kush ecën më shpejt jeton më gjatë.

Pittsburgh - Shkencëtarët nga Universiteti në Pittsburgh kanë zbuluar që njerëzit të cilët ecin më shpejt jetojnë më gjatë. Domethënë, nëse për një sekondë apo më pak e kaloni një metër, do të jetoni më gjatë se ata të cilët ecin më ngadalë.
Edhe pse me këtë studim kanë treguar se njerëzit të cilët ecin më shpejt jetojnë më gjatë, shkencëtarët kanë theksuar që qëllimi i studimit nuk ka qenë për t’i bërë njerëzit të ecin më shpejt, me shpresë se më këtë gjë do ta rrisin jetëgjatësinë e tyre.
“Vetë trupi e zgjedhë shpejtësinë e ecjes, e cila i përshtatet më shumë. Shpejtësia e ecjes është në fakt tregues i gjendjes shëndetësore të një personi. Nëse tani dilni dhe filloni të ecni shpejt, kjo nuk do të thotë se kjo do t’ju ndihmojë të jetoni më gjatë”, ka shpjeguar shkencëtarja Stephanie Studenski.
Ajo ka theksuar se shkencëtarët, duke u bazuar në shpejtësinë e ecjes së të anketuarve në shiritin prej katër metrash, munden me saktësi të përcaktojnë kohëzgjatjen e jetës së tyre në periudhë prej 10 vjetësh.
Shpejtësia e ecjes së personit me jetëgjatësi mesatare është rreth 0,8 metra në sekondë, pohojnë shkencëtarët, duke theksuar se shpejtësia e lëvizjes është tregues më i saktë i jetëgjatësisë se sa mosha apo gjinia.
Studenski ka theksuar që mënyra se si njerëzit lëvizin dhe shpejtësia me të cilën ecin varet nga energjia, kontrolli i lëvizjes dhe koordinimi, çka sigurisht kërkon funksionim të drejtë të disa sistemeve trupore, në rend të parë të sistemit kardiovaskular, nervor dhe muskulor.
Studimi është bazuar në nëntë studime të kryera më herët, në të cilat është analizuar shpejtësia e lëvizjes së njerëzve, gjinia, mosha dhe indeksi i masës trupore i 34 500 pjesëmarrësve në studim. Studimi është botuar në periodikun “American Medical Association”.

Pse temperatura “normale” e trupit është 37 gradë?

Për shumicën e popullatës, një termometër i cili tregon temperaturën rreth 37 gradë celsius do të thotë që temperatura e trupit është “normale”. Tani, dy shkencëtarë kanë një ide pse trupat tanë, si dhe ata të shumicës së gjitarëve të tjerë, vazhdimisht sillen rreth asaj temperature: Një temperaturë e lartë trupore ndihmon t’i mbajë infeksionet e këqija kërpudhore në distancë të sigurt.
“Një nga misteret e njerëzve dhe gjitarëve të tjerë të avancuar ishte pse ata janë kaq të nxehtë në krahasim me kafshët e tjera”, tha bashkautori i studimit Arturo Casadevall, profesor dhe drejtor i mikrobiologjisë dhe imunologjisë në “Albert Einstein College of Medicine of Yeshiva”. “Ky studim ndihmon të shpjegohet pse temperaturat e gjitarëve janë të gjitha rreth 37 gradë celsius”.
Puna e mëhershme e Casadevallit ka treguar që numri i specieve kërpudhore që mund të lulëzojnë dhe kështu të infektojnë kafshët bie 6 për qind për çdo ngritje të temperaturës prej 1 gradë celsius. Kjo, pohoi ai, është arsye pse reptilët, amfibet, dhe kafshët e tjera me gjak të ftohtë janë të ndjeshëm ndaj dhjetëra e mijëra specieve kërpudhore, ndërsa vetëm disa qindra lloje të kërpudhave mund të dëmtojnë njerëzit dhe gjitarët e tjerë.
Në studimin e fundit Casadevall dhe bashkëpunëtori i tij, biologjisti Aviv Bergman, kanë analizuar dobitë e luftimit të kërpudhave të fituara duke e mbajtur temperaturën trupore në mes 30 dhe 40 C kundrejt kostos – duhen shumë ushqime për ta mbajtur temperaturën në nivel të caktuar aq të nxehtë. Temperatura optimale, doli të jetë 36.7 C, vetëm pak ndryshe nga ajo që ne konsiderojmë “normale” për njerëzit (mund të jetë madje më afër normales, duke marrë parasysh që shumë shkencëtarë tani konsiderojnë që 37.77 gradë celsius është temperatura e vërtetë normale për njerëzit.)
“Ka një hark temperaturash rreth kalkulimit optimal ku gjitarët e ndryshëm janë vendosur varësisht nga nevojat e tyre specifike, por shumica e gjitarëve të avancuar kanë temperatura në harkun prej 36 - 40 gradë celsius”, tha Casadevall. “Për shembull, në 40 gradë lepujt janë shumë më të ngrohtë se njerëzit dhe gjitarët e tjerë janë paksa më të ftohtë”.
Një e metë e temperaturës së rritur trupore është sasia e nevojshme e ushqimit për ta mbajtur “zjarrin ndezur”, pra temperaturën në nivel të caktuar të lartë. E megjithatë, mbajtja e trupit më ngrohtë mund të kishte siguruar kufirin kritik për të cilin gjitarët kishin nevojë për të jetuar më shumë se dinozaurët.
“Asteroidi ka resetuar gjërat duke shfarosur dinozaurët dhe kafshët e mëdha,” tha Casadevall. “Gjitarët ishin atëherë të aftë të bëheshin kafshë mbizotëruese (duke i mundur reptilët mbijetues) sepse ata ishin me gjak të nxehtë, dhe kështu jo të ndjeshëm ndaj shumë sëmundjeve kërpudhore”.

Dita më depresive sivjet, 17 janari

Ka ditë që gjithçka ju shkon për dore, por ka edhe ditë kur më mirë është të mos çoheni fare nga krevati. Shkencëtarët, duke analizuar të dhënat statistikore të mbledhura me vite të tëra, përcaktojnë ditët më të mira dhe më të këqija në vit. Nëse mund t’u besohet, atëherë 17 janari do të jetë dita më e pikëllueshme dhe më depresive sivjet.
Shkencëtarët nga universiteti danez Northeastern dhe Fakultetit i Teknologjisë kanë bërë analizën e 300 milionë “cicërimave4” në Tweeter (postimeve në rrjetin social Twitter), të cilët përdoruesit e internetit i kanë publikuar në tre vjetët e fundit. Kanë gjetur fjalët kyç dhe në bazë të tyre kanë bërë “parashikimin”.
Ata kanë vënë në dukje se studimi i tyre ka treguar se janari është muaji kur ekziston rreziku më i madh i largimit të njerëzve nga puna, ndërsa vetë punëtorët japin dorëheqje në fund të majit dhe në fillim të gushtit, bën të ditur “New York Post”.
Po ashtu, studimi ka treguar se çiftet më së shpeshti fejohen në shkurt, dhe kjo kryesisht për shkak të ditës së të dashuruarve, 14 shkurtit. Ndarjet, ndërkaq, më së shpeshti ndodhin në periudhën e verës, sepse djemtë dhe vajzat atëherë më së shpeshti i tradhtojnë partnerët e tyre. Po ashtu, është regjistruar që më së shumti femra lindin në korrik, ndërsa më së paku ndarje janë shënuar në kohën e Krishtlindjeve.
Por, të kthehemi te ditët më të gëzueshme dhe më të pikëllueshme.
Sipas “parashikimeve” të shkencëtarëve, në vitin 2011 dita më e keqe, përkatësisht më e pikëllueshme e më depresive do të jetë 17 janari.
Psikologu Cliff Arnall ka arritur në formulën matematikore, e cila tregon se 17 janari është dita më depresive në vit. Domethënë, atë ditë bashkohen faktorët karakteristikë të depresionit, ndër të cilët janë premtimet e thyera të Vitit të Ri, llogaritë e mbledhura, frika nga humbja e punës dhe të gjitha këto në kombinim me kohën e ftohtë dhe të zymtë janë të mjaftueshme që 17 janari të shpallet dita më depresive.
Por, mos u brengosni, vetëm gjashtë muaj më pas ju pret dita më e lumtur në vit, dhe kjo është 17 qershori.

10 përbindëshat që tmerrojnë botën

Nuk është sekret për askënd që fauna e planetit nuk është zbuluar plotësisht dhe se ka ende specie të panjohura për njeriun. Midis tyre, mbase edhe monstra të fshehur. Kjo është një listë e dhjetë përbindshave të fantazuar apo realë, që prej dekadash apo shekujsh frikësojnë specien njerëzore.

Krimbi Gjigant i Mëndafshit – Në gusht 2009, dy neozelandezë fotografuan një krimb mëndafshi me përmasa gjigante, i cili qëndronte brenda në rërë. Legjenda ka fill në Mongoli, ku qënia njihet me emrin Allgoi Khorkoi dhe është tepër i njohur në mbarë vendin.

Këmbëmbadhi – Ekzistojnë shumë dokumentarë mbi një gjigant që lë gjurmë këmbe shumë të mëdha në tokë, por asnjëherë kërkimet për të nuk kanë qenë më të ethshme se sa në Kaliforni në vitin 1967, kur pas një filmi me një personazh gjigant të quajtur Jeti, me mijëra njerëz dyndën pyjet në kërkim të Këmbëmadhit.

Monstra e Loknesit – Pa dyshim, përmbindëshi më i famshëm nga të gjithë. Për herë të parë, ai përmendet shumë kohë më parë, në shekullin e shtatë. Në liqenet skocezë është kërkuar edhe me pajisjet më moderne për prezencën e tij, por monstra e Loknesit nuk është gjendur ende.

Majmuni gjigant – Në vitin 2001, në kryeqytetin e Indisë u regjistruan disa sulme nga një krijesë që i ngjante majmunit, vetëm se ishte shumë më i madh se një majmun normal. Aq shumë u frikësuan banorët nga kjo kafshë, sa një grua shtatzanë dhe dy persona të tjerë u hodhën nga ballkani pasi banë një majmun të zakonshëm që kishte hyrë në banesën e tyre.

Pirësi i lumenjve – Në basenin e Kongos ekziston një legjendë për një specie tepër të madhe që shuan etjen duke pirë lumenjtë. Edhe pse nuk ka përshkrim për bishën, banorët u rikthyen të besojnë pas thatësirave të kohëve të fundit.

Përbindëshi indian – Në vitin 1832, James Prinsep, njëri prej shkencëtarëve më të njohur Indisë koloniale ra në kontakt me një krijesë me dy këmbë, e gjatë dhe leshatore, e cila sapo u pa prej Prinsep-it, u largua menjëherë.

Pterodaktili – Zogu gjigant i periudhës së dinosaurëve mund të jetojë ende. Të paktën disa banorë të ishujve të Papuas dhe Guinesë së Re, të cilët pretendojnë se për pak u ra infakt kur panë predatorin mishngrënës duke fluturuar.

Anakonda barkëngrënëse – Midis rreziqeve të pyjeve të Amazonës fshihet sipas banorëve vendas edhe një Anakondë më e madhe se 30 metra, e cila është në gjendje të kullufisë një barkë druri me të gjithë njerëzit që ndodhen brenda. Edhe presidenti amerikan Roosvelt besonte tek kjo legjendë dhe pagoi në kohën e tij 50 dollarë, një shumë tepër e madhe për kohën, për të gjetur dhe më pas sjellë këtë krijesë në një kopësht zoologjik në SHBA.

Çupakabra – I quajtur kështu në spanjisht, Çupakabra është një monstër që tmerron banorët e Puerto Rikos. Një shartim i gjarpërit me kangurët, sipas vendasve ka qenë fajtor për zhdukjen e shumë kopeve me bagëti, madje një herë hëngri brenda pak çastesh një tufë me 150 lopë.

Drakula – Përmbindëshi më i suksesshëm në kinematografi, Drakula është një vampir i famshëm, i cili ushqehet me gjakun e vajzave të reja. Sot nëpër botë janë të shumë ata që besojnë në ekzistencën e vampirëve.

101 vjecari kërkon bashkëshorte...........e gjen.

“Jam 101 vjec dhe kërkoj një bashkëshorte”.

 

Ky ishte lajmërimi që Ahmad Isa në Malajzi kishte publikuar në një revistë vendase, dhe nga fjalët kalohet tek faktet.Kërkesa e 101 vjecarit është plotësuar. Thirrjeve të tij iu është përgjigjur pozitivisht një 82 vjecare e cila ka humbur bashkëshortin e saj 30 vjet më parë me të cilin ka edhe 9 fëmijë.82 vjecarja ka pranuar ofertën e tij për faktin se Ahmad mban të njëjtin emër si bashkëshorti i saj i parë dhe ka ngjashmëri fizike me të. Vetë Ahmad, edhe pse i habitur nga interesimi, është shprehur gatshëm për t’i dhënë “fund beqarisë” për herë të pestë.Tashmë dy familjet e të moshuarve janë duke diskutuar për detajet e martesës. Ahmad është shprehur se e trembte vetmia dhe për këtë arsye ka vendosur që të martohet. “Kam frikë të fle vetëm natën”, është shprehur ai. 101-vjeçari ka 5 fëmijë, 20 nipa dhe 40 stërnipa.

Zbulohet në Francë qyteza e vogël me emrin Berat

BERAT, Qytetit 2400-vjeçar të Beratit i gjendet një "vëlla" i vogël me të njëjtin emër në Francë. Ajo që bën përshtypje është fakti se në kufi me Beratin francez ndodhet edhe një qytet me emrin Kozare, emrin e të cilit e mban njëri nga fshatrat më të hershëm në rajonin e Beratit, që është fshati Kozare i komunës Perondi. 

Berati i Francës është "zbuluar rastësisht" nga një emigrant, sot biznesmen i njohur beratas, i cili iku nga vendi që në vitin 1990. "Nuk janë vetëm emrat, por dhe disa rite, doke e zakone pothuaj të njëjta si në Berat. 

Më bëri përshtypje që në fillim dhe u interesova. Kontaktoja vazhdimisht dhe me kreun e Bashkisë vendase, Paul-Marie Blanc, i cili u angazhua dhe shfaqi interes për historinë e Beratit në Shqipëri. Duhet studimi i ekspertëve përkatës, por kjo qytezë me 2700 banorë që ka doke e zakone të njëjta, të përafërta me shumë nga tonat, mund të jetë shpërngulur nga Shqipëria pas vdekjes së Skënderbeut në vitin 1468", - pohon Gazmend Toska. Emigranti shqiptar në Francë rrëfen zbulimin e qytezës Berat në këtë shtet dhe përpjekjet për interes e hulumtim për një lidhje të banorëve të tij me qytetin e lashtë të Beratit në Shqipëri. "Gjatë shëtitjes në Francë më ra në sy një qytezë që mbante emrin e qytetit tim të lindjes, Beratit. Komunikova me Paul-Marie Blanc, kryebashkiakun e Beratit të Francës, dhe e njoha atë me historinë e kulturën e lashtë të 'vëllait' më të madh me emrin Berat që ndodhet në Ballkan. Pas informacionit mbi Beratin shqiptar, kryebashkiaku i Beratit francez, i entuziazmuar ka shprehur interesin e tij për të ditur edhe më shumë për qytetin shqiptar të Beratit", - shton për "Gazeta Shqiptare" biznesmeni Gazmend Toska. Së fundi u arrit të kontaktohet edhe mes drejtuesve vendorë të dy qyteteve me të njëjtin emër. Këtë e konfirmon për "Gazeta Shqiptare" dhe Fadil Nasufi, kreu i Bashkisë së Beratit. Para pak ditësh, Evgjeni Pelivani, zëvendëskryetarja e Bashkisë dhe disa prej pjesëtarëve të stafit të institucionit tonë, kanë pasur një bisedë online me kryebashkiakun e Beratit të Francës, Paul-Marie Blanc, i cili ka thënë se veç binjakëzimit mes dy qyteteve me të njëjtin emër do të ketë edhe një përpjekje të tijën për të bërë më të njohur në shtetin francez qytetin historik të Beratit shqiptar, i cili tashmë që prej 8 korrikut 2008 është pjesë e kulturës botërore UNESCO. Binjakëzimi hap dhe mundësitë e studimit të origjinës së përbashkët", - pohoi Nasufi.

Berati i Francës ndodhet në Rajonin e Tuluzës, në një komunë të vogël me rreth 2.700 banorë. Komuna ndodhet në zonën e Pirenejve Qendrorë dhe distancat më të afërta me qytetet fqinje janë si më poshtë: Karbone 10 km, Kozares 20 km, Tuluze 37 km, Aeroporti i Tuluzës 33 km, Pamiers 53 km, San Zhiron 42 km, San Lizier 40 km.


Ndonëse nuk ka konfirmim zyrtar dhe shkencor, disa prej studiuesve beratas të historisë mendojnë se qyteti francez me emrin Berat mund të jetë themeluar nga beratasit e larguar nga ky qytet pas vdekjes së Skënderbeut në vitin 1468, të cilët pas largimit mund të jenë vendosur në rajonet arbëreshe të Italisë, e më pas në Francë.

Rrihet për vdekje nga katër gratë e tij

Një burrë i moshës së mesme që ishte i martuar me katër gra njëkohësisht pa dijeninë e tyre është rrahur për vdekje nga bashkëshortet.

Ligji islamik (sharia) i lejon një burri të ketë më shumë se një grua, me kusht që këto të jenë në dijeni. 

Me zbulimin e martesave, gratë janë hedhur kundër tij me shkopinj dhe gurë derisa e kanë lënë të vdekur në tokë.